Iran Parsy shyǵanaǵy men Oman teńizindegi kemege qatysty oqıǵany kúdikti dep atady
TEGERAN. QazAqparat – Irannyń Syrtqy ister mınıstrliginiń resmı ókili Saıd Hatıbzade Parsy shyǵanaǵy men Oman teńizindegi kemelerdiń qaýipsizdigi týraly jańalyqty óte kúdikti dep tanyp, arnaıy saıası múddeler úshin jalǵan atmosfera qurylýy múmkin ekenin eskertti, dep habarlaıdy QazAqparat.
Sol ýaqytta Saıd Hatıbzade, IRNA aqparat agenttiginiń habarlaýynsha, Parsy shyǵanaǵy men Oman teńizindegi turaqtylyq pen qaýipsizdikti ornatý jáne qoldaý boıynsha Iran Islam Respýblıkasynyń saıasatyn rastady.
«Iran Áskerı-teńiz kúshteri qajet bolǵan jaǵdaıda aımaqtaǵy tranzıttik kemelerge kómek kórsetý arqyly áskerı-teńiz qyzmetterin usynýǵa daıyn», - dedi ol.
Hatıbzade sondaı-aq: «Saýda kemeleriniń navıgatsııalyq júıelerinde problemalar týyndaǵan jaǵdaıda Iran Islam Respýblıkasy kómek kórsetýge jáne bul máseleni muqııat zerdeleýge daıyn», - dep málimdedi.
Buǵan deıin Brıtandyq aqparat kózderi Iran áskerı kúshteriniń nemese olardyń qol astyndaǵylardyń Asphalt Princess tankerin basyp alýy múmkin dep boljaǵan, dep habarlaıdy Reuters .
Buǵan deıin Brıtandyq teńiz kóligi agenttigi BAÁ-niń El-Fýdjaıra ámirliginiń jaǵalaýyna jaqyn jerde «múmkin bolatyn urlyq» týraly habarlaǵan bolatyn.
The Times gazetiniń qorǵanys jónindegi redaktory óziniń Twitter-degi paraqshasynda Brıtandyq aqparat kózderiniń Asphalt Princess tankerin basyp alýy múmkin ekenin habarlaǵany týraly jazdy. Olar Iran áskerı kúshteri nemese olardyń qol astyndaǵylardy kemege kóterildi dep boljaıdy.
