Iran Parsy shyǵanaǵy arqyly álemdegi eń uzyn týnnel salmaq
DOHA. QazAqparat – Iran sheneýnikteri Parsy shyǵanaǵy arqyly Katarmen baılanys ornatýǵa múmkindik beretin álemdegi eń uzyn týnnel salý ıdeıasyn usyndy, dep habarlaıdy QazAqparat IRNA agenttigine silteme jasap.
Iran prezıdenti Ibrahım Raısıdiń Katarǵa sapary qarsańynda Irannyń jol jáne qala qurylysy mınıstri Rostam Gasemı taraptardyń tranzıt, keme qatynasy jáne áýe kóligi salasynda tórt kelisimge qol qoıatynyn málimdedi. Olardyń arasynda – Irannyń Deııar qalasyndaǵy portynan Katar memleketine deıin týnnel salý ıdeıasy bar.
Dúısenbi, 21 aqpanda Iran prezıdenti Ebrahım Raısı resmı saparmen Katarǵa bardy. Bul onyń byltyr tamyzda qyzmetine kiriskennen keıin Parsy shyǵanaǵyndaǵy arab memleketine jasaǵan alǵashqy sapary. Ol sońǵy 11 jylda Katarǵa barǵan alǵashqy Iran prezıdenti.
Sýasty týnneli Irannyń Daıer portyn Katarmen baılanystyrady jáne temirjol men avtomobıl ınfraqurlymy da bolady. Onyń uzyndyǵy 190 shaqyrymǵa sozylmaq. Atap aıtqanda, álemdegi eń uzyn Frantsııa men Ulybrıtanııany jalǵaıtyn La-Manshtaǵy 38 shaqyrym sýasty týnnelinen bes ese uzyn bolmaq.
Avtory: Arsen Ýteshev
