Iran Parsy shyǵanaǵyndaǵy AQSh munaı tankerine shabýyl jasalǵanyn málimdedi
ASTANA. KAZINFORM – Munaı kemesine qatysty oqıǵa Parsy shyǵanaǵynyń soltústiginde Iran, Izraıl jáne Amerıka Qurama Shtattary arasyndaǵy shıelenis jalǵasyp jatqan kezde boldy, dep habarlaıdy Kazinform agenttiginiń menshikti tilshisi.
Beısenbi kúni Irannyń Islam revolıýtsııasy kúzetshiler korpýsy ıran kúshteriniń Parsy shyǵanaǵynyń soltústiginde sýda amerıkalyq tankerge shabýyl jasaǵanyn habarlady. Bul málimdemeni ırandyq BAQ taratty.
Habarlamada shabýyldan keıin keme órtengeni aıtylǵan.
– Islam revolıýtsııasy kúzetshiler korpýsy áskerı-teńiz kúshteri Parsy shyǵanaǵynyń soltústiginde amerıkalyq munaı tankerine sátti soqqy berdi, - delingen málimdemede.
Sonymen qatar soǵys jaǵdaıynda Ormýz buǵazy arqyly ótý Islam Respýblıkasynyń baqylaýynda bolatynyn atap ótti.
Iran áskerıleri Amerıka Qurama Shtattarynyń, Izraıldiń, Eýropa elderiniń jáne olardyń odaqtastarynyń áskerı, kommertsııalyq jáne basqa da kemeleri Tegeran belgilegen erejelerdi saqtamaı, buǵaz arqyly erkin óte almaıtynyn eskertti.
IRGC Hits American Oil Tanker in Persian Gulfhttps://t.co/W98bfzBlnZ pic.twitter.com/UsbiX1IITm
— Tasnim News Agency (@Tasnimnews_EN) March 5, 2026
Amerıkalyq tankerge jasalǵan shabýyl týraly aqparat táýelsiz túrde rastalmady. AQSh bıligi Irannyń málimdemesine qatysty túsinikteme bergen joq.
Sonymen qatar Ulybrıtanııanyń teńiz saýda operatsııalary ortalyǵy (UKMTO) Kýveıt jaǵalaýynda Parsy shyǵanaǵynyń soltústiginde munaı tankerinde qýatty jarylys bolǵanyn habarlady. Agenttiktiń málimetinshe, keme zaqymdanǵan, sýǵa túse bastaǵan jáne aımaqta munaı tógilgeni anyqtalǵan.
UKMTO WARNING INCIDENT 014-026 - Update 001
— UKMTO Operations Centre (@UK_MTO) March 5, 2026
Click here to view the full warning ⤵️https://t.co/fyQb4Rnurp#MaritimeSecurity #MarSec pic.twitter.com/3IIpRfkxVs
Aıta keteıik, Ormýz buǵazyndaǵy júk tasymaly 90% tómendedi.
