Iran parlamentiniń depýtattary eldegi tolqýlardy talqylaıdy
ASTANA. QazAqparat - Iran parlamentiniń ulttyq qaýipsizdik jáne syrtqy saıasat jónindegi komıssııasy sońǵy aptada elde bolǵan keleńsiz oqıǵalardy talqylaý úshin búgin shuǵyl otyrys ótkizedi, dep habarlaıdy «QazAqparat» HAA IRNA-ǵa silteme jasap.
«Irannyń keıbir qalalarynda jýyrda bolǵan oqıǵalarǵa baılanysty tústen keıin tıisti laýazymdy tulǵalardyń qatysýymen otyrys ótedi. Olar aldaǵy ýaqytta mundaı oqıǵalardy boldyrmaý joldaryn talqylaıdy», - deıdi ulttyq qaýipsizdik jáne syrtqy saıasat jónindegi komıssııa tóraǵasynyń orynbasary Kamal Dehgan Fırýzabadı.
Sońǵy 3 kúnde BAQ-ta Irannyń birneshe qalasynda eldegi ekonomıkalyq jaǵdaıǵa baılanysty ótip jatqan mıtıngiler týraly habarlar taralǵan.
Jeksenbi kúni mınıstrler kabınetiniń otyrysynda el prezıdenti Hasan Roýhanı sol oqıǵalar jaıynda pikir bildirip: «Barshaǵa aıdan aıqyn bolýy kerek, biz azat ultpyz ári bul bizdiń Konstıtýtsııamyz ben azamattarymyzdyń quqyqtaryna negizdeledi», - degen bolatyn.
Onyń aıtýynsha, ár azamat syn aıtýǵa quqyly, biraq aıtylǵan syn halyq ómirin jaqsartýǵa qyzmet etýi tıis.
