Iran parlamenti áıelderdiń mototsıkl júrgizýine tyıymdy alyp tastaý týraly sheshim qabyldady

ASTANA. KAZINFORM – Konservatıvti ortanyń uzaqqa sozylǵan qarsylyǵynan keıin Iran bıligi jeńildik jasady: endi áıelderge resmı túrde mototsıkl minip, júrgizýshi kýáligin alýǵa ruqsat etildi, dep habarlaıdy Kazinform BILD basylymyna silteme jasap.

Vıtse-prezıdent Mohammad Reza Aref jańa sheshimdi jarııalap, jyldarǵa sozylǵan quqyqtyq belgisizdikke núkte qoıdy. 

Buǵan deıin kóptegen ırandyq áıel mototsıklder men skýterlerdi lıtsenzııasyz paıdalanǵan. Áıelderdiń kólik júrgizýine resmı túrde tyıym salynbaǵan, biraq bılik tarapynan erkin jazalaýǵa negiz bolatyn naqty normatıvtik baza bolǵan joq. 

Jaǵdaı daýly boldy: áıelderge mototsıkl satyp alýǵa jáne tirkeýge ruqsat etildi, biraq olardy basqarý is júzinde zańsyz dep sanaldy. Atalǵan bastama parlamentte qyzý talqylanǵany atap ótildi. Ýltra konservatıvti saıasatkerler men dinı qaıratkerler bul ıdeıaǵa belsendi túrde qarsy shyǵyp, mototsıkl miný ıslamdyq normalarǵa qaıshy keledi jáne áıelderdiń kıim úlgisin buzady dep málimdedi. 

Eske sala keteıik, budan buryn jyl basynda Iranda ekonomıkalyq qıyndyqqa baılanysty jappaı narazylyq jalǵasyp jatqanyn jazǵanbyz.