Iran Pákistanmen shekaradaǵy qozǵalysty ýaqytsha toqtatty
ASTANA. KAZINFORM — Iran tehnıkalyq máselelerge baılanysty Pákistanmen shekaradaǵy ótkizý beketteri arqyly qozǵalysty jáne transshekaralyq operatsııalardy ýaqytsha toqtatty, dep habarlaıdy Sınhýa.
Bul týraly 17 qazanda Iran Syrtqy ister mınıstrliginiń resmı ókili Ismaıl Bagaı memlekettik IRNA aqparat agenttigine bergen suhbatynda málimdedi.
— Belgili bir tehnıkalyq máselelerdiń týyndaýyna jáne saqtyq sharalaryn qabyldaý qajettiligine baılanysty shekara arqyly qozǵalys pen transshekaralyq operatsııalar ýaqytsha toqtatyldy, — dedi ol.
Syrtqy ister mınıstrligi ókiliniń aıtýynsha, eki eldiń bıligi ózara tyǵyz baılanys ornatyp, týyndaǵan máselelerdi múmkindiginshe tezirek sheshý úshin konsýltatsııalar júrgizip jatyr.
Taraptar shekaralyq ótkizý beketteriniń qalypty jumysyn qysqa merzimde qalpyna keltirýdi kózdep otyr.
Buǵan deıin Aýǵanstan Pákistanmen shekara mańynda 28 sodyrdyń kózi joıylǵanyn málimdegen bolatyn.
