Iran óz talaptary oryndalmaıynsha AQSh-pen kelissóz júrgizbeıtinin málimdedi
ASTANA. KAZINFORM — AQSh prezıdentiniń sońǵy málimdemelerinen keıin Tegeran Vashıngtonmen dıalogty qaıta bastaý múmkindigine qatysty ustanymyn bildirdi, dep habarlaıdy Kazinform agenttiginiń menshikti tilshisi.
Iran óz talaptary oryndalmaıynsha AQSh-pen kelissóz júrgizbeıdi. Bul týraly seısenbi kúni Irannyń Ulttyq qaýipsizdik joǵary keńesiniń hatshysy Mohsen Rezaı málimdedi, dep habarlaıdy IRNA.
Ol X áleýmettik jelisindegidegi jazbasynda buǵan deıin kelissóz júrgizý múmkindigin joqqa shyǵaryp, al endi dıalogqa daıyn ekenin jetkizgen AQSh prezıdenti Donald Tramptyń qarama-qaıshy pikirlerine mán bermeýge shaqyrdy.
— AQSh prezıdentiniń «kelissóz bolmaıdy» degennen bastap, «biz dıalogqa daıynbyz» degenge deıingi qarama-qaıshy málimdemelerine alańdamańyzdar, — dep jazdy Rezaı.
Don’t get distracted by the U.S. president’s mixed signals—from “no negotiations” to “we’re ready to talk.” The stakes around oil and the straits have changed. Damage control won’t stop what’s coming. No talks until Iran’s conditions are met. Period!
— محسن رضایی (@ir_rezaee) September 14, 2026
Onyń sózinshe, munaı men buǵazdarǵa qatysty jaǵdaıdyń máni ózgerdi. Al onyń saldaryn retteýge baǵyttalǵan áreketter alda kele jatqan úderisti toqtata almaıdy.
Rezaı bul jazbasynda kelissózderdi qaıta bastaýǵa qajetti naqty talaptardy atap kórsetpedi.
Bul málimdeme Donald Tramptyń 14 qyrkúıekte Truth Social áleýmettik jelisinde AQSh-tyń Iranmen kelissóz júrgizýi múmkin ekenin jarııalaǵannan keıin jasaldy. Onyń pikirinshe, Tegeran kelisimge tezirek qol jetkizýge umtylyp otyr. Al Vashıngtonnyń dıalogqa qatysý-qatyspaýyn ózi sheshedi.
— Iran kelisimge múmkindiginshe tezirek ári barynsha qol jetkizgisi keledi. AQSh-tyń kelissózderge qatysý-qatyspaýyn ózim sheshemin. Biz mundaı múmkindikti joqqa shyǵarmaımyz, — dep jazdy AQSh prezıdenti.
https://t.co/58dyEkXT1A
— Rapid Response 47 (@RapidResponse47) September 14, 2026
Tramp buǵan deıin Tegeranmen kelisimge kelýdiń qanshalyqty oryndy ekenine kúmán bildirgen. 1 qyrkúıekte Fox News arnasyna bergen suhbatynda ol Iranmen jasalǵan kelisimniń eshqandaı máni joq ekenin, tipti «jazylǵan qaǵazǵa da tatymaıtynyn» málimdedi.
AQSh prezıdenti 13 qyrkúıek, jeksenbi kúni Vashıngtonnyń múddesine saı keletin sharttarǵa ǵana kelisetinin málimdedi. Alaıda ol mundaı sharttardyń naqty qandaı talaptarǵa negizdeletinin ashyp aıtpady.
AQSh pen Iran delegatsııalary maýsym aıynda taraptar qol qoıǵan, soǵysty toqtatýǵa baǵyttalǵan ózara túsinistik týraly memorandým negizinde kelissózderdi bastady. Alaıda keıin qarýly teketirestiń qaıta órshýine baılanysty dıalog toqtap, Ormýz buǵazy qaqtyǵystyń negizgi oshaqtarynyń birine aınaldy. Osydan keıin Tramp AQSh pen Iran arasyndaǵy memorandýmnyń kúshi joıylǵanyn málimdedi.
Buǵan deıin AQSh pen Iran arasyndaǵy soǵystyń ótip jatqanyna alty aı bolǵany habarlanǵan bolatyn.
Aqzat Jıenalına
