Iran Ormýz buǵazyn mınalap jatqan joq — SІM basshysynyń orynbasary
ASTANA. KAZINFORM - Iran Ormýz buǵazy aýmaǵynda teńiz mınalaryn ornatyp jatqan joq. Bul týraly eldiń syrtqy ister mınıstriniń orynbasary Májıd Taht-Ravanchı AFP agenttigine bergen suhbatynda málimdedi.
Buǵan deıin Donald Tramp amerıkalyq áskerıler buǵaz mańynda mına ornatýǵa paıdalanylǵan 28 ırandyq kemege soqqy jasaǵanyn habarlaǵan edi.
Ol sondaı-aq Iran keıbir elderdiń kemelerine Ormýz buǵazy arqyly ótýge ruqsat bergenin aıtqanymen, naqty qaı memleketter ekendigin naqtylamady.
-Keıbir memleketter buǵaz arqyly ótý múmkindigine qatysty bizben baılanysqa shyqty. Biz olarmen bul máselede ózara is-qımyl jasadyq, — dedi Taht-Ravanchı.
— Alaıda agressııany qoldaýshy elder Ormýz buǵazy arqyly qaýipsiz ótý quqyǵyn paıdalanbaýy tıis dep esepteımiz,-dedi syrtqy ister mınıstrliginiń ókili.
Osyǵan deıin Ormýz buǵazyndaǵy júk tasymaly 90%-ǵa tómendegeni týraly jazdyq.
Al búgin Irannyń jańa Joǵarǵy kóshbasshysy Modjtaba Hameneı Ormýz buǵazy ashylmaıtynyn málimdedi.
