Iran Ormýz buǵazyn barlyq kemeler úshin japty
ASTANA. KAZINFORM – Iran Qarýly kúshteriniń Joǵarǵy qolbasshylyǵy Ormýz buǵazyn barlyq kemeler úshin, sonyń ishinde munaı tankerleri men saýda kemeleri úshin jabý týraly buıryq berdi. Bul týraly Iran Qarýly kúshteriniń «Hatam ál-Anbııa» ortalyq shtaby málimdedi, dep habarlaıdy TASS.
AQSh-tyń óz aýmaǵyna qaıtalanǵan soqqylary aıasynda Iran Ormýz buǵazy arqyly qozǵalysty tolyq toqtatý týraly sheshim qabyldady.
– Osy sátten bastap aımaqta qaýipsizdiktiń bolmaýyna baılanysty Ormýz buǵazy barlyq keme túrleri úshin, sonyń ishinde munaı tankerleri men saýda kemeleri úshin jabyq dep jarııalanady. Buǵaz arqyly ótýge jasalǵan kez kelgen áreket soqqymen toqtatylady, – dep keltirdi Iran memlekettik telearnasy shtab málimdemesin.
Óz kezeginde Islam revolıýtsııasy saqshylary korpýsy áskerı-teńiz kúshteri buǵaz arqyly ótýge áreket jasaǵan eki kemege soqqy berilgenin málimdedi.
Eske sala ketsek, Iran tarapy AQSh-tyń jańa soqqylarynan keıin Ormýz buǵazyndaǵy kemelerge shabýyl jasalǵany habarlady.
