Iran Ormýz buǵazyn ashýǵa negiz bolatyn sharttaryn usyndy
ASTANA. KAZINFORM – Iran Qarýly kúshteriniń ókili Mohammad Akramınııa Ormýz buǵazy áskerı qysym nemese qoqan-loqy nátıjesinde ashylmaıtynyn málimdedi, dep habarlaıdy TASS agenttigi.
– AQSh-tyń Islamabadta qol qoıylǵan ózara túsinistik týraly memorandým talaptaryn oryndaýy, barlyq áskerı is-qımyldy toqtatýy jáne Irannyń egemendik quqyqtaryn qurmetteýi – Ormýz buǵazyn ashýdyń basty sharttary, – dedi ol Mehr agenttigine bergen suhbatynda.
Onyń aıtýynsha, Irannyń ustanymy eskerilmeıinshe Ormýz buǵazy jabyq kúıinde qalady.
Sondaı-aq Akramınııa AQSh pen onyń odaqtastarynyń Ormýz buǵazyndaǵy Islamabad memorandýmynan tys kez kelgen áreketin Iran egemendigin buzý dep baǵalaıtynyn jáne mundaı áreketterge eldiń qarýly kúshteri tosqaýyl qoıatynyn aıtty.
Aıta keteıik, Tramp Iran kelissózge oralmasa, kópirlerin tas-talqan etetinin eskertti.
Sondaı-aq AQSh Iranǵa qarsy jańa soqqylar serııasyn bastady.
