Iran Ormýz buǵazy mańyndaǵy AQSh shabýyldarynan keıin Kýveıtke soqqy jasady
ASTANA. KAZINFORM — Parsy shyǵanaǵyndaǵy jaǵdaı Iran men AQSh arasyndaǵy ózara shabýyldan keıin qaıtadan shıelenise tústi, dep habarlaıdy Kazinform agenttiginiń Taıaý Shyǵystaǵy menshikti tilshisi.
Kýveıt Qorǵanys mınıstrliginiń sársenbi kúni habarlaýynsha, Iran tarapynan zymyrandar men ushqyshsyz ushý apparattary arqyly jasalǵan shabýyl saldarynan bir adam qaza taýyp, ondaǵan adam jaralanǵan.
Vedomstvonyń málimetinshe, sársenbi kúni tańerteńnen beri áýede 30 nysana tirkelgen. Onyń 13-i ballıstıkalyq zymyran, al 17-si ushqyshsyz ushý apparaty bolǵan. Olardyń keıbiriniń synyqtary turǵyn aýdandarǵa qulaǵan. Shabýyldar azamattyq ınfraqurylym nysandaryna, sonyń ishinde Kýveıt halyqaralyq áýejaıyna da áser etken. Osyǵan baılanysty áýejaı jumysy ýaqytsha toqtatylǵan.
Kýveıt bıligi bul oqıǵany «Iran agressııasy» dep atap, ulttyq qaýipsizdikti qorǵaý úshin qajetti sharalardy qabyldaýǵa quqyly ekenin málimdedi.
Parsy shyǵanaǵyndaǵy arab memleketteri yntymaqtastyǵy keńesi de shabýyldy aıyptady. Al Birikken Arab Ámirlikteri prezıdentiniń keńesshisi Anvar Gargash óńir elderin jaǵdaıǵa ortaq ustanymmen jaýap berýge shaqyrdy.
BREAKING: An hour ago, the U.S. Navy or U.S. Air Force targeted and destroyed multiple vessels of the IRGC Navy near Qeshm Island in the Strait of Hormuz using at least one MQ-9A Reaper armed drone flown from Al Dhafra Air Base, UAE.
— Babak Taghvaee - The Crisis Watch (@BabakTaghvaee1) June 2, 2026
In response, the IRGC Aerospace Force is now… pic.twitter.com/iSKAzNGy5O
Tegeran bul áreketter AQSh-tyń Iran nysandaryna jasaǵan shabýyldaryna jaýap bolǵanyn málimdedi. Iran Syrtqy ister mınıstrligi AQSh operatsııalaryn qoldaǵany úshin Kýveıt pen Bahreınge «tikeleı jáne aıqyn jaýapkershilik» júktedi. Tegerannyń málimdeýinshe, bul elderdiń aýmaǵy men ınfraqurylymy AQSh-tyń Iranǵa soqqy berýi úshin paıdalanylǵan.
Iran’s Strike Hits US Drone and Aircraft Storage at Kuwait Base, Reports
— Tasnim News Agency (@Tasnimnews_EN) June 3, 2026
Zionist media outlets claim Iran’s recent attack caused damage to the US Ali Al-Salem Air Base in Kuwait, adding the strike targeted a facility housing aircraft and several drones stationed at the base. pic.twitter.com/nLs8fpGNUV
Irannyń Islam revolıýtsııasy saqshylar korpýsynyń nusqasyna sáıkes, oqıǵa AQSh-tyń Ormýz buǵazy mańyndaǵy ırandyq munaı tankerine shabýyl jasaýynan bastalǵan. Sonyń saldarynan kemeniń mashına bólimi zaqymdanǵan.
Tegerannyń aıtýynsha, amerıkalyq kúshter Keshm aralyndaǵy Islam revolıýtsııasy saqshylar korpýsynyń baılanys nysanyna soqqy bergen. Buǵan jaýap retinde Iran aımaqtaǵy amerıkalyq áskerı nysandarǵa, sonyń ishinde Bahreındegi AQSh Besinshi flotynyń shtab-páterine zymyrandar men drondar arqyly shabýyl jasaǵanyn málimdedi.
• IRGC: The US attacked Qeshm Island
— Amichai Stein (@AmichaiStein1) June 2, 2026
• In response Iran has carried out drone and missile strikes against Kuwait
• Sirens and explosions heard also in Bahrain pic.twitter.com/cKRBNX1kEV
AQSh Qarýly kúshteriniń Ortalyq qolbasshylyǵy Keshm aralyna jasalǵan soqqylardy rastady jáne olardy ózin-ózi qorǵaý maqsatynda jasalǵan áreket dep atady. Sonymen birge Vashıngton amerıkalyq bazalarǵa sátti soqqy jasaldy degen málimdemelerdi joqqa shyǵaryp, Irannyń barlyq shabýyldy toıtarylǵanyn jáne kózdelgen nysanalarǵa jetpegenin habarlady.
🚫 CLAIM: Iran’s Islamic Revolutionary Guard Corps claims they struck U.S. 5th Fleet headquarters in Bahrain and a U.S. air base in the region with missiles and drones today. FALSE.
— U.S. Central Command (@CENTCOM) June 2, 2026
✅ TRUTH: All Iranian attacks on American forces failed. U.S. forces remain vigilant and ready to… pic.twitter.com/KuYzaENUqI
Qarsylastyqtyń jańa kezeńi AQSh pen Iran arasyndaǵy atysty toqtatý jónindegi osal kelisimderdiń saqtalyp turǵan kezeńinde boldy.
Keń aýqymdy kelisim boıynsha kelissózder jalǵasyp jatqanymen, taraptar Ormýz buǵazy arqyly keme qatynasy, sanktsııalar jáne qaqtyǵysty retteý sharttary máselelerinde áli de ortaq pikirge kele almaı otyr.
Aıta ketelik AQSh Iranǵa qarsy blokada kezinde 118 kemeniń baǵytyn ózgertti. Sonymen qatar Iran men AQSh arasyndaǵy kelissózderdiń toqtaýyna baılanysty munaı baǵasy kóterilgen edi.
