Iran Ormýz buǵazy arqyly Pákistan týy ilingen 20 kemeniń ótýine ruqsat berdi
ASTANA. KAZINFORM — Iran Pákistan týy ilingen 20 kemege Ormýz buǵazy arqyly ótýge ruqsat berdi. Bul týraly Pákistan Syrtqy ister mınıstri Ishak Dar málimdedi, dep habarlaıdy TASS.
— Men sizderge tamasha jańalyqty qýana jetkizemin: Iran úkimeti Ormýz buǵazy arqyly Pákistan týy ilingen 20 kemeniń ótýine ruqsat berdi. Kún saıyn buǵaz arqyly eki keme ótetin bolady. Bul — Iran tarapynan jasalǵan kópten kútken ári syndarly qadam, ol joǵary baǵalaýǵa laıyq. Bul — beıbitshiliktiń belgisi jáne óńirdegi turaqtylyqqa yqpal etedi. Bul oń málimdeme beıbitshilikke baǵyttalǵan mańyzdy qadamdy bildiredi jáne osy baǵyttaǵy ortaq kúsh-jigerimizdi nyǵaıtady. Dıalog, dıplomatııa jáne osyndaı senimdi nyǵaıtatyn sharalar — alǵa jyljýdyń jalǵyz joly, — dep jazdy ol.
Eske salaıyq, 18 naýryzdaǵy málimet boıynsha Ormýz buǵazy arqyly úsh kúnde 15 keme ótken.