Iran Ormýz buǵazy arqyly ótýge tyrysqan kez kelgen kemeni atatynyn málimdedi

ASTANA. KAZINFORM — Iran Ormýz buǵazy arqyly ótýge áreket etken kez kelgen kemege shabýyl jasaýǵa daıyn ekenin málimdedi. Bul týraly DW basylymy jazdy.

«Biz óńirden bir tamshy da munaıdyń shyǵýyna jol bermeımiz», dep málimdedi ırandyq general Sardar Djabarı jergilikti telearnanyń efırinde. 

Ormýz buǵazy arqyly álemdik munaı men suıytylǵan tabıǵı gaz jetkizilimderiniń shamamen 20–30%-y tasymaldanady. Negizgi alýshylardyń biri — Qytaı.

Buǵan deıin AQSh prezıdenti Donald Tramp Izraılmen birge Iranǵa qarsy shabýyldy bastaǵanyn aıtyp:

«Bastapqyda bul 4–5 aptaǵa sozylady dep boljaǵan edik, biraq bizde shabýyldardy áldeqaıda uzaq ýaqyt júrgizýge múmkindik bar», — degen bolatyn.

AQSh sondaı-aq Irannyń áýe keńistigin baqylaýǵa alǵanyn jarııalady. 

Eske sala ketsek, Tramp Iranǵa qarsy áskerı operatsııa qajet bolǵansha jalǵasatynyn málimdedi. 

AQSh Qarýly kúshteri Tegerannyń ıadrolyq jáne zymyrandyq múmkindikterin joıýǵa baǵyttalǵan Iran aýmaǵyndaǵy aýqymdy operatsııalardy jalǵastyryp jatyr. Prezıdent Donald Tramp Aq úıde sóılegen sózinde operatsııanyń basty maqsaty — Irannyń ıadrolyq qarý jasaýyna jol bermeý jáne Eýropa men AQSh-qa tónetin qaýipti beıtaraptandyrý ekenin aıtty.