Iran Ormýz buǵazy arqyly ótýge ruqsat etilgen elderdi atady
ASTANA. KAZINFORM — Iran parlamentiniń Ulttyq qaýipsizdik jáne syrtqy saıasat jónindegi komıssııa tóraǵasynyń orynbasary Amır Haıat Mogaddam Úndistan, Qytaı, Irak jáne Qatar týymen júzetin kemeler Ormýz buǵazy arqyly kedergisiz óte alatynyn málimdedi. Bul týraly Report agenttigi habarlady.
— Qazirgi ýaqytta Úndistan, Qytaı, Irak jáne Qatar kemelerin Ormýz buǵazy arqyly ótýge qoıylǵan shekteýlerden bosattyq. Bul elderdiń kemeleri buǵazdan erkin ótedi, AQSh ta olarǵa kedergi keltirmeıdi, — dedi Iran ókili.
Onyń aıtýynsha, Qatar kemelerinen Ormýz buǵazy arqyly ótkeni úshin aqy alynbaıdy. Agenttikke suhbat bergen sheneýnik muny qalyptasqan jaǵdaımen baılanystyrdy. Onyń sózinshe, Tegeran sheshim qabyldaǵanda taraptardyń ózara múddesin eskeredi.
Parlament ókili Úndistan kemeleriniń buǵazdan ótýine jeńildik jasaýdaǵy maqsat osy elden dári-dármek ımportyn qamtamasyz etý ekenin atap ótti. Al Qytaı kemelerine berilgen jeńildikter Beıjińniń saıası qoldaýyna ıe bolýdy kózdeıdi.
Iran sheneýnigi Úndistan men Qytaı kemelerinen buǵaz arqyly ótkeni úshin aqy alynatynyn, al Qatar kemelerine mundaı tólem qarastyrylmaǵanyn da túsindirdi.
Buǵan deıin Iran AQSh talaptardy oryndasa, Ormýz buǵazyn eki kúnde ashýǵa daıyn ekenin habarlaǵan bolatyn.
