Iran ońtústiginde jer silkindi, 4 adam qaza tapty
ASTANA. QazAqparat - Iran ońtústiginde magnıtýdasy 5,1 bolatyn jer silkinisinen 4 adam mert boldy jáne 4 adam jaraqat aldy, dep habarlady Assoshıeıted Press jergilikti telearnaǵa silteme jasap.
Zilzala kindigi Fars provıntsııasyndaǵy Hondj qalasy mańyndaǵy eldi mekende ornalasqan.
Telearnanyń habarlaýynsha, qaza tapqandar sheteldikter bolyp shyqqan. Aldyn ala boljam boıynsha, olar jergilikti fermalarda jumys isteıtin Aýǵanstan azamattary bolýy múmkin.
Eýropa Jerorta teńizi seısmologııalyq ortalyǵynyń (EMSC) málimetteri boıynsha, magnıtýdasy 5,2 bolatyn jer silkinisi 02.33-te tirkelgen. Zilzala oshaǵy Shıraz qalasynan 170 shaqyrym jerde, 10 shaqyrym tereńdikte ornalasqan.
