Iran naryǵy Qazaqstannan azyq-túlik jetkizýge qyzyǵyp otyr – Kaztrade

ASTANA. KAZINFORM – Qazaqstan-Iran bıznes forýmynda shamamen 1 mlrd dollardy quraıtyn 8 kommertsııalyq qujatqa qol qoıylady. Bul týraly Kaztrade Saýda saıasatyn damytý ortalyǵynyń bas dırektory Aıtmuhammed Aldajarov.

Eksporttyq ónimdi damytý úshin jaqsy negiz qalandy. Eń aldymen, bul – Iranmen erkin saýda júrgizýge múmkindik beretin qolaıly qujat. Osy qujattyń arqasynda bıyl bizdiń eksport kólemi shamamen 40 paıyzǵa artty.

– Negizgi eksporttyq taýarlar – arpa, bıdaı sekildi bizdiń astyǵymyz. Maı, kondıterlik ónimder sııaqty kórsetkishterdiń de ósimi baıqalady. Qazir bizde maı-toń maı salasy damyp keledi. ıAǵnı suranys joǵary. Tipti suranystyń artýy bizdiń múmkindikterimizdi keńeıtip otyr deýge bolady. Mysaly, keshe úlken semınar ótkizdik. Oǵan 120 kompanııa qatysyp, bizdiń eksportty qoldaý tetikterimen, elimizge ınvestıtsııa salý múmkindikterimen tanysty. Bul olardyń suranysy joǵary ekenin kórsetti. Ásirese maı bizdegi birinshi nómirli taýarǵa aınalyp otyr, – dedi A. Aldajarov Qazaqstan-Iran bıznes forýmynda tilshilerge bergen suhbatynda.

Maıǵa suranysty qanaǵattandyrý úshin Saýda saıasatyn damytý ortalyǵy «Maı-toń maı salasyn damytý jol kartasyn» ázirlegen. Osylaısha álemdik maı jetkizýshiler arasynda úzdik úshtikke kirý kózdelip otyr. Qazir eksporttyq ónim kólemi 560 mln dollar bolsa, keleshekte 1 mlrd dollarǵa deıin jetkiziledi.

Spıkerdiń aıtýynsha, Iran naryǵy negizinen azyq-túlikke, ásirese qaıta óńdeý baǵytyna qyzyǵýshylyq tanytýda. Jáne eń bastysy – osy taýarlardy jetkizý bolyp otyr. Taýarlar tıisti baǵyttar boıynsha kedergisiz ótýi qajet.

– Búgin Irannyń saýda-ónerkásip palatasy men bizdiń kompanııa Kólik dálizi aımaǵyn qurý jónindegi qujatqa qol qoıady. Bul aımaq bizdiń porttarymyzdyń negizgi pýnktterin, Irannyń soltústik jáne ońtústik porttaryn qamtıdy jáne Qazaqstanǵa Parsy shyǵanaǵy elderine jáne Soltústik Afrıka elderine shyǵýǵa múmkindik beredi. Sondyqtan biz bul jumysty jandandyramyz. Ol úshin kólik dálizi boıynsha merzimdi qysqartýǵa jáne shyǵyndardy azaıtýǵa múmkindik beretin birizdi protsess qalyptastyrýǵa tyrysamyz, – dep tolyqtyrdy ortalyq basshysy.

Aıta keteıik, elordada Qazaqstan-Iran bıznes forýmy bastaldy. Sharaǵa 500-ge jýyq qatysýshy jınaldy jáne olardyń júzden astamy – ırandyq kásipkerler.