Iran munaı óndirýge ınvestıtsııa salýdy toqtatty

ASTANA. QazAqparat - Iran 2015 jyly qara altyn baǵasynyń kúrt túsýi saldarynan munaı salasyna ınvestıtsııaǵa aqsha bólmedi dese bolady. Munaı mınıstri Bıdjan Namdar Zangannyń aıtýynsha, bul kórsetkish 2011-2012 jyldardaǵy 40 mlrd. dollardan ótken jyly 6 mlrd dollarǵa deıin tómendegen jáne odan keıin de qysqarý jalǵasqan.

Sonymen qatar, tamyzda Irannyń munaı mınıstrliginiń strategııalyq josparlaý bólimshesiniń basshysy Saıd Gavampýr ırandyq munaı salasynyń ınvestıtsııaǵa suranysy taıaý bes jylda 100-den 500 mlrd dollarǵa deıin qarjyny quraıtyn bolady dedi, dep jazady Ýtro.rý.

Zangan álemde munaıdy qaıta óndirý táýligine 3 mln barreldi quraıtynyn atap ótti. Bul rette áńgime halyqaralyq sanktsııalardy alyp tastaǵannan keıin birden óndirýdi táýligine 500 myń barrelge arttyrý jaıynda bolyp otyr. Sodan keıin táýligine taǵy da 500 myń barrelge kóterý josparlanýda.