Iran munaı óndirýdi tejeý jónindegi kelissózderdiń shartyn aıtty
ASTANA. QazAqparat - Tegeran munaı óndirýdi tejeýdi onyń deńgeıi táýligine 4 mln. barrelge jetkennen keıin talqylaýǵa nıetti.
Buǵan deıin bul taqyrypta eshqandaı kelissózder júrgizilýi múmkin emes, dep málimdedi munaı mınıstri Bıjan Zangane, dep habarlady RBK.
Iran munaıdy iri óndirýshilermen óziniń óndirý deńgeıi elde táýligine 4 mln. barrelge jetkennen keıin ǵana talqylaýǵa ázir, dedi Zangane.
«Oǵan deıin, biz táýligine 4 mln. barrel óndirý deńgeıine jetkenimizshe, olar (óndirýdi tejeý jónindegi kelissózderge qatysýshylar) bizdi mazalamaýy tıis», - dep málimdedi mınıstr.
«Biz sol deńgeıge jetken kezde biz sizdermen yntymaqtasa alamyz», - dep qosty mınıstr.
Onyń aıtýynsha, qazirgi kezde Iran táýligine 1,75 mln. barrel munaı eksporttaıdy. Alaıda taıaýdaǵy ýaqytta bul kórsetkish 2 mln. barrelge deıin artady.
