Iran munaı óndirýdi shekteý josparyna qosylýǵa nıetti

ASTANA. QazAqparat - Irandaǵy NIOC ulttyq munaı kompanııasynyń ókili eldiń óndiristiń qalaǵan deńgeıine qol jetkizý sebebimen Tegerannyń munaı óndirýdi shekteý josparyna qosylýǵa daıyn ekenin málimdedi, dep habarlady Irannyń Press TV telearnasy.

Buǵan deıin Tegeran sanktsııalar engizilgenge deıin bolǵan (táýligine shamamen 4 mıllıon barrel) deńgeıin jáne, tıisinshe, álemdik naryqtaǵy úlesin qalpyna keltirý nıeti týraly málimdegen edi. Bul pozıtsııa munaı óndirýshi elderdiń 17 sáýirde Dohadaǵy kezdesýi kezinde alaýyzdyqtardyń bir sebebi boldy.

NIOC munaı kompanııasynyń halyqaralyq baılanystar jónindegi dırektory Mohsen Kamsarıdiń málimdeýinshe, Iran munaı óndirý boıynsha maqsatty kórsetkishine qol jetkizdi: OPEK-tiń esepteýine silteme jasaǵan ol táýligine 4,2 mıllıon barrel degen sandy atady.

«Tıisinshe, munaı mınıstri (Bıdjan Zangane) umtylǵan sanǵa qol jetkizildi, jáne biz munaı óndirýdi shekteý josparyna qosyla alamyz», - dep jazady telearna onyń ırandyq BAQ-tarǵa málimdemesin.

Bul rette Kamsarı sońǵy sheshimdi mınıstr shyǵaratynyn atap ótti.