Iran munaı óndirýdi eki mıllıon barrelge deıin azaıtýǵa shaqyrdy
ASTANA. QazAqparat - Naryq teńgerimi úshin munaı óndirýdiń álemdik deńgeıi kúnine 1,5-2 mıllıon barrelge deıin qysqartylýy tıis. Bul týraly Iran munaı mınıstri Bıjan Zangane málimdedi, dep habarlady Rambler News Service.
Bul munaıdyń artyq kólemi, sondyqtan da odan qutylý qajet shyǵar, dep paıymdaıdy ol. «OPEK-tiń keıbir músheleri qazir oǵan ún qatýdyń qajeti joq, dep sanaıdy», - dep qosty sheneýnik.
4 jeltoqsanda Venada OPEK otyrysy ótedi, onda kómirsýtek óndirisine kvotalar týraly másele sheshilmek. Qazir karteldiń barlyq músheleri táýligine 30 mıllıon barrelmen shektelýde. Kvota únemi buzylyp otyr. Reuters agenttiginiń málimetteri boıynsha, qyrkúıekte uıymnyń qatysýshy elderi kúnine 31,71 barrel óndirdi.
3 jeltoqsanda Londonnyń ICE bırjasynda Brent markaly munaı barreliniń baǵasy 43,54 dollardy qurady. Tehastyń WTI sorty 40,44 dollar shamasynda satylýda. OPEK munaı qorjynynyń baǵasy 38,46 dollardy qurap otyr.
