Iran munaı óndirý kólemin ulǵaıtpaq

ASTANA. QazAqparat - Irannyń Munaı mınıstri Bıdjan Namdar Zangan Bloomberg agenttigine bergen suhbatynda Irannyń munaı óndirý kólemin táýligine 4 mln barrelge deıin ulǵaıtýdy kózdep otyrǵandyǵyn aıtqan.

Bul týraly vestifinance.ru málim etti.

Mınıstr sózinde Irannyń Aljırdegi kelissózder barysynda ózge de iri munaı óndirýshi eldermen kelisimge kelýdi josparlap otyrǵandyǵyn aıtty. Degenmen, olar munaı óndirý kólemin búgingi deńgeıde qaldyrýdy kózdep otyrǵan joq.

OPEK-tegi munaı óndirý kólemi jaǵynan úshinshi orynda turǵan Iran Aljırde ótetin Halyqaralyq energetıkalyq forým barysynda karteldiń ózge de múshelerimen kelissózder júrgizedi. Osyǵan qaraı jıynǵa qatysýshylar OPEK-tiń 30-qarashada ótetin jyl saıynǵy májilisinde naqty kelisimge kelýi de múmkin.

Forým aıasyndaǵy aldaǵy 2-3 kúnde Iran qandaı da bir kelisimder jasamaıtynyn aıtyp otyr. «Bul rette biz tek pikir almasýmen shektelemiz»,-dedi jýrnalısterge Irannyń Munaı mınıstri.

Osyǵan deıin Iran Saýd Arabııasynyń biz munaı óndirý kólemin 2016 jyldyń basyndaǵy deńgeıge keltiremiz, eger árıne, Iran munaı óndirýdi búgingi deńgeımen toqtatatyn bolsa, degen usynysyn qabyl almady.

Zangannyń sózinshe, Iran OPEK-tiń jalpy munaı óndirý kólemindegi úlesin qaıtaryp alǵysy keledi. Halyqaralyq sanktsııalar engizilgenge deıin bul meje 13 paıyz bolatyn.