Iran Mysyrǵa áýe keńistigin úsh saǵatqa jabatynyn eskertti

ASTANA. KAZINFORM - Mysyr áýe kompanııalaryna beısenbi kúni úsh saǵat boıy Irannyń áýe keńistiginen aýlaq bolýǵa buıryq berildi. Buıryq Tegerannan áskerı jattyǵýlar bolatyny týraly habarlama jasalǵan soń berildi. Bul týraly Mysyrdyń azamattyq avıatsııa mınıstrligi málim etti, dep jazady Euronews.

Eskertý ótken aptada HAMAS lańkestik qozǵalysynyń jetekshisi Tegeranda óltirilgennen keıin aımaqta shıelenis kúsheıgen tusta jasaldy.

Irannyń áýe keńistiginde ushýǵa tyıym salý beısenbi kúni tańǵy saǵat 4:30-dan 7:30-ǵa deıin úsh saǵat boıy kúshinde boldy.

ISNA aqparat agenttigimen sóılesken kezde Tegerandaǵy Iran halyqaralyq áýejaıynyń basshysy Saıd Chalandarı Irannyń batys bóliginiń áýe keńistigine kirýge tyıym salý týraly habarlamalardy joqqa shyǵardy, degenmen bul búkil elge qatysty ma, joq pa belgisiz.

Buqaralyq aqparat quraldarynyń habarlaýynsha, Izraıl sheneýnikteri Izraılge birinshi bolyp aýqymdy shabýyl jasaıtyn Iran emes, «Hezbolla» ekenine kóbirek senedi. Tegeran óziniń aýqymdy shabýylyn qaıta qarastyrýy múmkin.