Iran men Túrkııa saýda qalashyǵyn ashýy múmkin
ASTANA. 2 naýryz. QazAqparat - Iran men Túrkııa eki jaqty ekonomıkalyq yntymaqtastyqty damytý baǵytynda mańyzdy qadam jasady. Eki eldiń bıligi shekara aýmaǵynda birikken ónerkásip aımaǵyn qurý týraly kelisimge keldi.
Irandyq "Indastrıal Esteıts" kompanııasynyń basshysy Ahmad Mýsavı habarlaǵandaı, bul joba Túrkııada jáne Iranda arnaıy qalanyń qurylysyn bastaýdy qajet etedi. Bul jaıynda "Irıb-Novostı» habar taratty.
Onyń aıtýynsha, túrikterdiń aýmaǵynan oryn tebetin qala Sary sý, al Iran terrıtorııasynda Bazarǵan dep atalatyn bolady. Atalmysh joba ústimizdegi jyldyń naýryz aıynda qolǵa alynady.
muslim.kz saıtynyń jazýynsha, Mýsavıdiń taǵy bir keltirgen málimeti boıynsha ár qalanyń aýmaǵy 1000 akrdy (405 ga) quraıdy. Olar shekaradaǵy tar jol arqyly jalǵasatyn bolady.
