Iran men Túrkııa Qytaıdan Eýropaǵa baratyn temirjol qurylysynyń jobasyna qosylmaqshy
ASTANA. Qańtardyń 27-si. QazAqparat - Iran men Túrkııa Qyrǵyzstan jáne Ózbekstan arqyly Qytaıdan Eýropaǵa tartylatyn transulttyq temirjol magıstralynyń jobasyna qosylý nıetin tanytty.
Bul jóninde Beıjińde ótken Qyrǵyzstan delegatsııasynyń sapary kezinde áńgime boldy.
«Qytaı úshin bul magıstraldi salý - Jibek jolyn qalpyna keltirýde, Qytaıdyń batys aımaqtaryn damytýda úlken mańyzǵa ıe», - dedi Qytaı Halyq Respýblıkasy kommertsııa mınıstriniń orynbasary Chen Tszıan.
«Bul oraıda, atalmysh temirjol baǵyty Qytaı men Eýropa arasyndaǵy tasymal úshin paıdalanylýy ekitalaı, óıtkeni qazirgi ýaqytta memlekettik shekaralardy kesip ótý sanyn azaıtýǵa baılanysty barynsha tıimdi temirjol qatynastary jumys isteıdi. Olar - Transsibir temirjoly, sondaı-aq Qazaqstan men Reseı arqyly ótetin tranzıtti jol», - dedi «Reseı temirjoly» AAQ ekonomıkalyq konıýnktýralar jáne strategııalyq damý departamenti bastyǵynyń orynbasary Sergeı Stolıarov.
