Iran men Saýd Arabııasy qarym-qatynasyn qalpyna keltiretin bolyp kelisti

ASTANA. TASS-QazAqparat - Iran men Saýd Arabııasy bıligi eki el arasyndaǵy qarym-qatynasty qalypqa keltirýge kelisti, olar elshilikterin eki aı ishinde ashýdy josparlap otyr. Bul týraly QazAqparat TASS aqparat agenttigine silteme jasap habarlaıdy.

Onyń jazýynsha, birneshe kún boıy Irannyń Ulttyq qaýipsizdik joǵary keńesiniń hatshysy Álı Shamhanı men onyń Saýd Arabııasyndaǵy áriptesi Beıjiń qalasynda kelissóz júrgizgen.

Nátıjesinde úshjaqty málimdeme qabyldandy.

Tegeran men Er-Rııad dıplomatııalyq qarym-qatynasty qalpyna keltirýge jáne eń kóbi eki aı ishinde elshilikterdi qaıta ashýǵa kelisti.