Iran men Oman Ormýz buǵazyndaǵy keme qatynasy qaýipsizdigin talqylady
ASTANA. KAZINFORM — Tegeranda Iran men Oman ókilderi Ormýz buǵazyndaǵy keme qatynasynyń qaýipsizdigin qamtamasyz etý máseleleri boıynsha birneshe kezeńnen turatyn kelissóz ótkizdi. Kezdesý juma jáne senbi kúnderi eki eldiń syrtqy ister mınıstrleri orynbasarlary deńgeıinde ótti, dep habarlaıdy TASS.
Iran Syrtqy ister mınıstrliginiń resmı ókili Esmaıl Baǵaıdiń aıtýynsha, taraptar Ormýz buǵazyndaǵy keme qatynasynyń qaýipsizdigin qamtamasyz etýdiń negizgi qaǵıdattary men praktıkalyq tetikteri jóninde pikir almasty. Bul rette Iran men Omannyń egemendik quqyqtary eskerilgen.
Onyń sózinshe, atalǵan másele boıynsha tehnıkalyq konsýltatsııalar aldaǵy ýaqytta da jalǵasady.
Buǵan deıin birqatar halyqaralyq uıymdar Qyzyl teńizde, Ormýz buǵazynda jáne oǵan irgeles aýdandarda jaǵdaıdyń kúrt nasharlaǵanyn eskertken bolatyn. Sondaı-aq Ormýz buǵazy arqyly ótetin keme qatynasy 95%-ǵa qysqarǵany habarlanǵan edi.
