Iran men Izraıl arasyndaǵy shıelenis kúsheıe tústi
ASTANA. KAZINFORM – Iran Beer-Sheva qalasyna taǵy da raketalyq soqqy jasady, al Izraıl bul áreketke jaýap retinde Tegerandaǵy nysandarǵa aýqymdy shabýyl uıymdastyrdy, dep habarlaıdy Kazinform agenttiginiń menshikti tilshisi.
Iran men Izraıl arasyndaǵy shıelenis segizinshi kúni jalǵasyp jatyr. Iran Beer-Shevaǵa taǵy da zymyranmen soqqy jasady, al Izraıl Tegerandaǵy áskerı jáne ıadrolyq nysandarǵa aýqymdy áýe shabýylymen jaýap berdi.
Izraıldiń ońtústigine jasalǵan zymyran soqqysy
Juma kúni tańerteń Iran Izraıl aýmaǵyna birneshe ballıstıkalyq zymyran jiberdi. Izraıl armııasynyń málimetinshe, zymyrandardyń biri eldiń ońtústigindegi Beer-Sheva qalasyna tikeleı tıdi. Soqqy turǵyn úıler ornalasqan aýdan men jaqyn mańdaǵy tehnoparkke túsken. Izraıldiń shuǵyl kómek qyzmeti Magen David Adom bes adamnyń jeńil jaraqat alǵanyn, sondaı-aq 30-dan astam adam úreı men kúızelisten zardap shekkenin habarlady.
— Qalyń tútin, órtenip jatqan kólikter men qıraǵan ǵımarattardy kórdim. Jaralanǵandarǵa sol jerde alǵashqy kómek kórsetilip jatyr, biz eki medıtsınalyq kómek kórsetý pýnktin uıymdastyrdyq, — dedi feldsher Dvır Ben-Zeev.
Qalalyq ákimdiktiń málimetinshe, Beer-Shevanyń temirjol stantsııasy men Gav-Yam Negev tehnoparkindegi keńseler, sonyń ishinde Microsoft ǵımaraty zaqymdanǵan.
Al Jazeera málimetine sáıkes, bul tehnopark Ben-Gýrıon atyndaǵy ýnıversıtettiń janynda ornalasqan jáne Izraıl armııasynyń telekommýnıkatsııalyq bólimshesi – C4i kampýsyna jaqyn jerde ornalasqan. Soqqylar nátıjesinde ortalyq temirjol vokzalynyń jumysy toqtaǵany da habarlandy.
Izraıldiń Iranǵa jasaǵan áýe soqqylary
What did the IDF accomplish in Iran overnight?
— Israel Defense Forces (@IDF) June 20, 2025
✈️60+ fighter jets struck dozens of military targets in Iran using approximately 120 munitions.
⭕️Several industrial sites used to manufacture missiles were struck in the Tehran area. These sites served as a key industrial center… pic.twitter.com/lQtxFIbFyc
Jumaǵa qaraǵan túni Izraıl áskerı-áýe kúshteri Iran aýmaǵyndaǵy ondaǵan nysanǵa soqqy berdi. Izraıl armııasy (TsAHAL) taratqan málimetke sáıkes, operatsııaǵa 60-tan astam joıǵysh ushaq qatysyp, 120-ǵa jýyq oq-dári qoldanylǵan. Soqqylar Tegeran mańyndaǵy nysandarǵa baǵyttalǵan.
— Nysandardyń qatarynda zymyran qozǵaltqyshtaryn quıýǵa arnalǵan materıaldar men zymyran komponentterin óndiretin obektiler boldy, — delingen Izraıl armııasynyń málimdemesinde. — Sondaı-aq ıadrolyq saladaǵy Irannyń áskerı zertteý baǵdarlamasymen tikeleı baılanysty SPND jobasyna qatysty nysanǵa soqqy jasaldy, — dep naqtylady Izraıl Qorǵanys kúshteri.
Izraıl túngi shabýyl kezinde joıylǵan nysandardyń biri ıadrolyq qarý ázirleýde qoldanylatyn mańyzdy komponentterdi óndiretin zaýyt bolǵanyn málimdedi.
Shıelenis jalǵasyp jatyr
Beer-Shevaǵa jasalǵan soqqydan bólek, Izraıldiń áýe qorǵanys júıeleri Óli teńiz mańynda birneshe ushqyshsyz ushý apparatyn (drondy) atyp túsirdi. Al Iranda áýe shabýylyna qarsy qorǵanys keshenderi Isfahan qalasynda jáne eldiń soltústigindegi Resht aýdany mańynda iske qosyldy.
Israeli airstrike on Rasht, northwest of the Iranian capital Tehran. pic.twitter.com/xAB576qPcF
— Quds News Network (@QudsNen) June 19, 2025
Islam revolıýtsııasy saqshylary korpýsy Tegerannyń ońtústigindegi Kahrızak aýdanynda Izraılge tıesili ushqyshsyz ushý apparatyn (drondy) atyp túsirgenin málimdedi.
Izraıl armııasy Beer-Shevedegi nysanǵa zymyrannyń jetip, tosqaýylsyz soǵylýyna sebep bolǵan tehnıkalyq aqaýǵa qatysty ázirge resmı pikir bildirgen joq. Alaıda, buqaralyq aqparat quraldarynyń habarlaýynsha, áýe qorǵanys júıesiniń ishinara júktemege baılanysty shamadan tys jumys isteýi (peregrýzka) yqtımal sebep retinde qarastyrylyp jatyr.
Aıta ketelik Iranda Islam revolıýtsııasy Qamqorshylar korpýsy barlaý qyzmetiniń jańa basshysyn taǵaıyndady.