Iran men Irak shekarasyndaǵy zilzala qurbandarynyń sany 350-ge jetti

ASTANA. QazAqparat - Iran men Iraktyń shekarasynda jeksenbi kúni keshkisin bolǵan jer silkinisinen qaza tapqandardyń sany 350-den asty, taǵy 4 myńdaı adam zardap shekken.

Bul jaıly dúısenbi kúni Týıtterdegi resmı paraqshasynda Press TV habarlady.

Azamattyq qorǵanys kúsheriniń ókilderi bergen aqparatqa súıensek, aımaqta 7 myń adamdy qabyldaı alatyn dala gospıtaldary qurylǵan. Jergilikti bılik tósek-oryn, azyq-túlik jáne donor qany jetispeı jatqanyn málimdedi. Eń kóp zardap shekken Sárpal-e Záhab qalasyndaǵy gospıtal artyq naýqas qabyldaı almaıtyndyqtan, armııa tikushaqtary olardy basqa qalalardaǵy aýrýhanalarǵa, sonyń ishinde Tegeranǵa tasymaldap jatyr.

Kóptegen turǵyndar ótken túndi kóshede ot jaǵyp ótkizdi. Túnde termometr baǵany tipti nól gradýsqa deıin tómendegen, dál qazir 12 gradýs nólden joǵary.