Iran men «eýroúshtik» 25 shildede ıadrolyq kelissóz ótkizedi
ASTANA. KAZINFORM — Iran 25 shildede óziniń ıadrolyq baǵdarlamasy boıynsha Ulybrıtanııa, Frantsııa jáne Germanııamen kelissóz júrgizedi, dep habarlaıdy TABNAK.
— Iran Eýropa elderiniń ótinishine jaýap retinde kelissózdiń jańa raýndyn ótkizýge kelisti, — dep málimdedi Iran SІM baspasóz hatshysy Ismaıl Bagaı.
Onyń aıtýynsha, kezdesý syrtqy ister mınıstrleriniń orynbasarlary deńgeıinde ótedi.
Ismaıl Bagaı habarlaǵandaı, Iran men Eýropa arasyndaǵy bul kelissóz Tegerannyń AQSh-pen janama kelissózinen bólek ótedi. Aldaǵy kezdesýde eýropalyq elderdiń ıadrolyq kelisimdegi róliniń sıpaty men sanktsııalar engizýdiń «keri mehanızmi» máselesine kóńil bólinedi.
«Eýroúshtik» elderi buǵan deıin Iran men AQSh arasynda buryn júrgizilgen kelissóz qaıta jalǵaspasa nemese naqty nátıje bermese tamyz aıynyń sońyna deıin BUU-nyń Tegeranǵa qarsy sanktsııalaryn «keri mehanızm» (snapback) boıynsha qalpyna keltiretinin málimdegen bolatyn.
Buǵan deıin Tramp Irannyń ıadrolyq nysandaryn joıatynyn eskertkenin jazǵan bolatynbyz.