Iran men EO ıadrolyq kelisimdi júzege asyrýǵa kelisti
ASTANA. 11 qańtar. QazAqparat - Iran men derjavalyq aldy el daýly máseleler boıynsha bir sheshimge kelip, Tehrannyń ıadrolyq baǵdarlamasy boıynsha kelisimdi tájirıbe júzinde iske asyrýǵa kelisti. Aıta keteıik, bul kelisimge taraptar qarashada Jenevada qol jetkizgen bolatyn.
Endi ırandyq jáne eýropalyq delegatsııanyń ókilderi ózderiniń elderindegi basshylyqpen konsýltatsııalar ótkizýi tıis, tek osydan keıin ǵana bılik kelisimderdi oryndaýǵa kirisedi.
24 qarashada Jenevada ótken qyzý talqylaýdan keıin, álemdik aldyńǵy qatarly alty derjava men Iran ıadrolyq másele boıynsha aralyq kelisimge qol jetkizgen edi.
Sheteldik BAQ-tyń jazýynsha, Iran jaǵy ýrandy baıytý úshin jańa tsentrıfýgalardy ornalastyrýdan bas tartyp, ózderiniń ıadrolyq nysandaryna halyqaralyq sarapshylardy kirgizýge jáne qarýǵa negizdelgen plýtonııdi óndirýge tehnıkalyq turǵyda qaýqarly ıadrolyq reaktordyń qurylysyn toqtatýǵa kelisti.
Óz kezeginde bul elge qatysty ekonomıkalyq sanktsııalar birshama jeńildetiletin bolady.
