Iran men Bolgarııa basshylary Grýzııa arqyly temirjol qurylysyn júrgizýge kelisti
ASTANA. QazAqparat - Iran prezıdenti Hasan Roýhanı Bolgarııa basshysy Rosen Plevnelıevpen Irannan Grýzııa aýmaǵy arqyly temirjol qurylysyn júrgizý múmkindigin talqylady.
Eki memleket basshysynyń kezdesýi Nıý-Iorkte BUU BA alańynda ótti, dep habarlaıdy RIA Novostı.
Sondaı-aq júzdesý barysynda ırandyq bıznesmenderdiń óz kompanııalaryn eýropalyq naryqqa shyǵarýy úshin Bolgarııa salyq júıesiniń ıkemdi jaǵdaıyn paıdalana alatyndyǵy atap ótildi.
«Munymen qatar eki eldiń basshylary farmatsevtıka, aqparattyq tehnologııa, energetıka, tamaq ónerkásibi, nanotehnologııa salalaryndaǵy yntymaqtastyq máselelerin talqylady», - dep atap ótilgen habarlamada.
