Iran men Ázerbaıjan shekarada jańa avtokópir ashty
Iran men Ázerbaıjan eki eldiń shyǵys shekarasyndaǵy jańa baqylaý-ótkizý pýnkti qyzmetin atqaratyn Astarachaı ózeni arqyly ótetin avtomobıl kópirin ashty, dep habarlaıdy Kazinform uza.uz-ge silteme jasap.
Irannyń Jol jáne qala qurylysy mınıstrliginiń habaryna qaraǵanda, ashylý saltanatyna Irannyń Jol jáne qala qurylysy mınıstri Mehrdad Bazrpash pen Ázerbaıjan premer-mınıstriniń orynbasary Shahın Mýstafaev qatysqan.
Uzyndyǵy 89 metr jáne eni 30,6 metr bolatyn tórt jolaqty kópir 5,8 mıllıon eýro (shamamen 6,4 mıllıon dollar) ınvestıtsııamen 22 aıda salynǵan. Sondaı-aq kópirdiń eki jaǵynda eni 2,5 metr jabyq jaıaý júrginshiler joly bar.
Ázerbaıjan premer-mınıstriniń orynbasary ótken aptada ırandyq mınıstrmen telefon arqyly sóılesýinde 2023 jyly eki el arasyndaǵy júk temirjol tasymalynyń 47 paıyzǵa artqanyn málimdegen. 2022 jylmen salystyrǵanda 700 myń tonnadan asqan.
