Iran men AQSh Omandaǵy kelissózin aıaqtady
ASTANA.KAZINFORM - Taraptardyń baılanysy senimsizdik pen joǵary óńirlik shıelenis jaǵdaıynda jalǵasty, dep habarlaıdy Kazinform agenttiginiń menshikti tilshisi.
Irandyq BAQ Oman qalasynda ótken Iran men AQSh arasyndaǵy kelissózderdiń kezekti raýndy aıaqtalǵanyn habarlady. IRNA agenttiginiń málimeti boıynsha, taraptar kelissóz protsesin jalǵastyrý qajettiligi týraly túsinikke qol jetkizdi. Sodan keıin delegatsııalar keńes ótkizý úshin óz eliniń astanasyna oralady.
Kelissóz birneshe saǵatqa sozyldy jáne Oman Syrtqy ister mınıstri Badr Al-Býsaıdıdiń deldaldyǵymen janama formatta ótti. Iran delegatsııasyn Syrtqy ister mınıstri Abbas Aragchı, al amerıkalyq tarapty AQSh Prezıdentiniń Taıaý Shyǵys boıynsha arnaıy ókili Stıv Ýıtkoff basqardy. Kelissózge AQSh prezıdentiniń keńesshisi Djared Kýshner de qatysty.
- Bul kelissóz jaqsy bastama boldy. Talqylaýlar tek ıadrolyq sıpatta boldy, - dedi Abbas Aragchı.
Ol taraptar odan ári keńes ótkizý úshin óz astanalaryna oralatynyn aıtty.
Muscat talks were a “good start”: Foreign Minister @araghchi https://t.co/9oJcvUCXiW pic.twitter.com/LYLfGLVDU6
— IRNA News Agency (@IrnaEnglish) February 6, 2026
Ol sondaı-aq Tegeran men Vashıngton arasynda senimsizdik ahýaly bar ekenin atap ótti. Onyń aıtýynsha, dıalogty ilgeriletý úshin muny eńserý kerek. IRNA aqparaty boıynsha, kelissóz barysynda aımaqtyq qaýipsizdik, zymyran baǵdarlamasy jáne basqa taqyryptar talqylanbaǵan.
Oman SІM basshysy Badr al-Býsaıdı kelissóz eki jaqtyń da ustanymyn naqtylaýǵa jáne odan ári ilgerileýdiń yqtımal baǵyttaryn anyqtaýǵa múmkindik bergenin habarlady. Ol konsýltatsııanyń kelesi kezeńi aldaǵy kúnderi bolýy múmkin ekenin atap ótti.
Bul kelissóz ótken jylǵy shıelenisten beri osyndaı deńgeıdegi alǵashqy tikeleı dıplomatııalyq baılanys bolyp otyr. Izraıl men Iran arasyndaǵy 12 kúndik qaqtyǵys kezinde AQSh Irannyń ıadrolyq nysandaryna shabýyl jasaǵan edi. Kelissóz áskerı shıelenistiń qaýpi men Vashıngton men Tegerannyń qatań málimdemesi aıasynda ótip jatyr.
Very serious talks mediating between Iran and the US in Muscat today.
— Badr Albusaidi - بدر البوسعيدي (@badralbusaidi) February 6, 2026
It was useful to clarify both Iranian and American thinking and identify areas for possible progress. We aim to reconvene in due course, with the results to be considered carefully in Tehran and Washington. pic.twitter.com/OWctzf2CXA
Buǵan deıin Oman astanasy Maskatta AQSh pen Iran ókilderi arasyndaǵy janama kelissózder bastalǵanyn jazǵan edik.