Iran men AQSh arasyndaǵy shıelenis: AQSh-tyń ushaqtasymaldaǵysh toby Taıaý Shyǵysqa jetti
ASTANA. KAZINFORM — USS Abraham Lincoln ushaqtasyǵyshymen basqarylǵan AQSh-tyń áskerı-teńiz kúshteri (VMS) quramyndaǵy ushaqtasymaldaǵysh soqqy toby AQSh Ortalyq qolbasshylyǵynyń jaýapkershilik aımaǵyna bardy, dep habarlaıdy Kazinform menshikti tilshisi.
AQSh Ortalyq qolbasshylyǵy (CENTCOM) dúısenbi kúni habarlaǵandaı, USS Abraham Lincoln ushaqtasyǵyshy jáne ony súıemeldegen kemeler Taıaý Shyǵys aımaǵynda ózderiniń qorǵanys múmkindikterin arttyrý jáne óńirlik turaqtylyqty saqtaý maqsatynda ornalasqan.
Taralǵan málimetterge sáıkes, ushaqtasymaldaǵysh top josparly túrde ornalastyrylyp, ekıpaj Úndi muhıty arqyly ótken kezde ádettegi jumystaryn atqaryp jatyr.
Sailors aboard USS Abraham Lincoln (CVN 72) perform routine maintenance as the aircraft carrier sails in the Indian Ocean, Jan. 26. The Abraham Lincoln Carrier Strike Group is currently deployed to the Middle East to promote regional security and stability. pic.twitter.com/dkuN946hce
— U.S. Central Command (@CENTCOM) January 26, 2026
CNN aqparat kózderiniń habarlaýynsha, ushaqtasymaldaǵysh top Úndi muhıtynda ornalasqan, bul óz kezeginde AQSh-tyń Iranmen baılanysty áskerı operatsııalardy qajet bolǵan jaǵdaıda jedel qoldaýǵa múmkindik beredi. Sonymen qatar, kemelerdiń sońǵy soqqy jasaý úshin bekitilgen ornalasý oryndary joq ekendigi jáne áskerı áreketterge qatysty sheshimder áli qabyldanbaǵany aıtyldy.
USS Abraham Lincoln carrier strike group has just been spotted hanging off the south east of Oman.
— WarMonitor🇺🇦🇬🇧 (@WarMonitor3) January 26, 2026
It is within strike range of Iran, but hiding behind the Gulf means it has less vulnerability to anti ship missile fire. pic.twitter.com/c7W6afXYkA
Irandaǵy narazylyqtar aıasynda AQSh prezıdenti Donald Tramp túrli sharalar qoldanýdy qarastyratynyn, onyń ishinde kúsh qoldaný múmkindigin de atap ótken bolatyn, biraq ol Tegeranmen kelissóz júrgizý múmkindigin de joqqa shyǵarǵan joq.
Tegeranda osy jaǵdaıǵa baılanysty resmı rıtorıka kúsheıdi. Irannyń Syrtqy ister mınıstrliginiń ókili Ismaıl Bagaı AQSh kemeleriniń Irannyń qorǵanys sheshimdiligine eshqandaı áser etpeıtinin aıtyp, Iran qarýly kúshteri kez kelgen áreketke daıyn ekenin málimdedi. Buǵan deıin Iran áskerı kúshteri Izraılmen maýsym aıyndaǵy qaqtyǵysynan keıin ózderiniń zymyrandyq kúshterin jaqsartqanyn jarııalaǵan bolatyn.
Iran bıligi AQSh-tyń múmkin bolatyn soqqysyna jaýap retinde Amerıkanyń múddeleri men odaqtastaryna qarsy áreketterdi týdyrýy múmkin ekenin eskertti. Sonymen qatar, Irandy qoldaıtyn qarýly toptar óńirde jaǵdaı ýshyǵatyn bolsa, Tegeranǵa kómek kórsetýge daıyn ekenin bildirdi.
Buǵan deıin Tramp Iranǵa qarsy amerıkandyq «armadanyń» jiberilgenin málimdegen bolatyn.