Iran men AQSh arasyndaǵy konsýltatsııalar Omandaǵy úshinshi raýnd kúnine aýystyryldy
ASTANA. KAZINFORM - Iran men AQSh arasyndaǵy tehnıkalyq kezdesýdi keıinge qaldyrý týraly sheshim Maskattyń bastamasymen jáne eki taraptyń kelisimimen qabyldandy, dep habarlaıdy Kazinform tilshisi.
Sársenbi kúnge josparlanǵan Irandyq-Amerıka sarapshylary deńgeıindegi kelissózder senbi, 26 sáýirge aýystyrylady. Bul týraly seısenbi kúni Tegeran Syrtqy ister mınıstrliginiń ókili habarlady.
Bul kúni Omanda joǵary deńgeıli ıadrolyq kelissózderdiń úshinshi raýndy ótedi.
— Sársenbi kúni eki tarap arasynda ótýi tıis bolǵan eki eldiń tehnıkalyq konsýltatıvtik kezdesýi senbige aýystyryldy, - dedi Iran Syrtqy ister mınıstrliginiń baspasóz hatshysy Esmaıl Bagaı.
Onyń aıtýynsha, kezdesýdi keıinge qaldyrý týraly sheshim «Omannyń usynysy boıynsha jáne Iran men Amerıka delegatsııalarynyń kelisimimen» qabyldanǵan. Tehnıkalyq keńestiń keıinge shegerilý sebebi ázirge belgisiz.
12 sáýirden beri Tegeran men Vashıngton Omannyń qatysýymen Maskat pen Rımde janama kelissózderdiń eki kezeńin ótkizdi. Kelissózderge Iran Syrtqy ister mınıstri Abbas Arakchı men AQSh-tyń Taıaý Shyǵys boıynsha arnaıy ókili Stıv Ýıtkoff jetekshilik etti.
Rımde ótken kelissózderdiń ekinshi raýndy barysynda taraptar ıadrolyq kelisim boıynsha negizgi kelisimdi ázirleýge kirisýge kelisti.
Keıingi kúnderi Iran-Amerıka ıadrolyq kelissózderine qatysty dıplomatııalyq shaıqastar qarqyndy túrde jalǵasyp jatyr.
Seısenbi kúni Oman basshysy Sultan Haıtam bın Tarık Ál Saıd Reseıge baryp, Reseı prezıdenti Vladımır Pýtınmen Irannyń ıadrolyq baǵdarlamasyn talqylady.
Reseı prezıdentiniń syrtqy saıasat jónindegi kómekshisi ıÝrıı Ýshakovtyń aıtýynsha, eki tarap «Iran men Amerıka ókilderi arasyndaǵy kelissózderdiń barysy týraly» talqylady.
Sonymen qatar AQSh prezıdenti Donald Tramp Izraıl premer-mınıstri Bınıamın Netanıahýmen telefon arqyly sóılesip, Iranmen ıadrolyq kelissózder, sondaı-aq Gaza sektoryndaǵy atysty toqtatý jáne kepilge alynǵandardy bosatý týraly kelisimdi talqylady. Bul týraly Axios jazdy.
— Telefon arqyly sóılesýimiz oıdaǵydaı ótti. Barlyq máselede oıymyz bir jerden shyqty, - dedi Tramp áleýmettik jelidegi jazbasynda.
Buǵan deıin MAGATE Iran men AQSh arasyndaǵy ıadrolyq kelissózderdi qalpyna keltirýge járdemdesýge daıyn ekeni habarlanǵan bolatyn.
Tramp mamyr aıynda Saýd Arabııasy, Qatar jáne BAÁ-ge barý josparyn málimdedi.