Iran men AQSh arasyndaǵy dıalogtiń kelesi raýndy Omanda 11 mamyrda ótedi

ASTANA. KAZINFORM – Islam memleketiniń ıadrolyq baǵdarlamasy aıasyndaǵy daǵdarysty retteýge baǵyttalǵan AQSh pen Iran arasyndaǵy kelissózderdiń kezekti tórtinshi raýndy Omanda 11 mamyrda ótedi, dep habarlaıdy reseılik TASS NourNews agenttigindegi derekkózge silteme jasap.

Osyǵan deıin Axios portalynyń tilshisi Barak Ravıd H áleýmettik jelisinde AQSh-tyń arnaıy elshisi Stıven Ýıtkofftyń sózin keltire otyryp, Tegerannyń ıadrolyq baǵdarlamasyna qatysty AQSh-Iran kelissózderiniń tórtinshi raýndy 10-11 mamyrda ótýi múmkin ekenin jazǵan bolatyn.

AQSh Memlekettik hatshysy Marko Rýbıo osyǵan deıin Iran óziniń azamattyq ıadrolyq baǵdarlamasyn saqtap qalǵysy kelse, ýrandy baıytýdy tolyǵymen toqtatýy kerek ekenin aıtty. Ol Iran basqa elder sııaqty baıytylǵan materıaldy ózi óndirmeı-aq ımporttaı alady degen pikirde.

Iran Amerıka Qurama Shtattarymen qarym-qatynasta dıplomatııalyq joldy ustanatynyn dúısenbi kúni Islam Respýblıkasynyń úkimeti málimdedi.