Iran Medjlısi Ormýz buǵazyn jaýyp tastaýdy kótergen zań jobasyn qoldady
ASTANA. 22 shilde. QazAqparat - Iran medjlısi músheleriniń jartysynan sál astamy eýropalyq ekonomıkalyq sanktsııaǵa qarsylyq retinde munaı tankerleri úshin Ormýz buǵazyn jaýyp tastaý týraly zań jobasyn qoldap daýys berdi.
Dúnıejúziniń kóptegen elderi úshin munaı tasymalynyń birden bir kózi bolyp otyrǵan bul teńiz jolyn jabý úshin endi tek aıatolla Hameneıdiń qoly kerek, dep jazady "Izvestııa" gazeti.
Os qujatty daıyndaǵan depýtattardyń biri Djavad Karımı Kýdsı 290 parlament múshesiniń 150-i zańdy maquldaǵanyn málim etti. Endi sońǵy sheshimdi eldiń joǵary kóshbasshysy aıatolla Álı Hameneı qabyldaıdy.
