Iran mavzoleıinde er adam 15 adamdy atyp óltirdi
ASTANA. QazAqparat – Irannyń Shırazdaǵy Shah-Cherah mavzoleıinde belgisiz atam qarýdan oq jaýdyrdy. Jergilikti BAQ málimetinshe, saldarynan kem degende 15 adam mert bolyp, ondaǵany jaraqat aldy, dep habarlaıdy QazAqparat VVS-ge silteme jasap.
Qaza tapqandar arasynda bir áıel men eki bala bar.
Iran memlekettik telearnasy kem degende 19 adamnyń zardap shekkenin málimdep otyr.
IRNA aqparat agenttigi qarýly shabýyldy úsh adam jasaǵanyn habarlady. Alaıda provıntsııa basshysynyń orynbasary Fars Esmaıl Mohebıpýr teleefırde bir ǵana adam oq atqanyn, keıin ol jaraqat alyp, ustalǵanyn málim etti. Sheneýniktiń aıtýynsha, qaskóı Kalashnıkov avtomatyn qoldanǵan.
Qarýly shabýyl úshin jaýapkershilikti «Islam memleketi» uıymy (Qazaqstanda jáne ózge elderde tyıym salynǵan) aldy. Bul týraly atalmysh terrorıstik toppen baılanysty saıttarda jáne Telegram-kanaldarda jazyldy.
Foto: Iranian Red Crescent Society
