Iran MAGATE-niń josparyna resmı jaýabyn búgin beredi - ırandyq «Mehr» agenttigi
ANA. Qazannyń 29-y. QazAqparat - Iran Atom energııasy jónindegi halyqaralyq agenttigi (MAGATE) usynǵan halyqaralyq kelisimniń jobasyna resmı jaýabyn beısenbi kúni beredi.
Halyqaralyq kelisimde ırandyq álsiz baıytylǵan ýrannyń bir bóligin shetelge jóneltip, onda ýrandy Irannyń ıadrolyq nysandarynda otyn retinde paıdalaný úshin qajetti kondıtsııaǵa jetkizýdiń jaıy qarastyrylǵan. Bul týraly ırandyq «Mehr» agenttigi habarlap otyr.
Irannyń MAGATE-degi ókili Álı Asgar Soltanıe beısenbi kúni Venada agenttiktiń bas dırektory Mohammed ál-Baredeımen kezdesip, oǵan Irannyń jaýabyn tabys etedi, dep habarlaıdy «Mehr» agenttigi.
«Habardar derek kózge» silteme jasaǵan aqparat agenttigi «Iran óziniń jaýabynda Venada kelissóz barysynda ázirlengen Tegeran reaktoryna otyn jetkizý jónindegi mámilege kelisimin beretinin, biraq sonymen qatar kelisim jobasynyń mátinine ózgertý engizýdi usynatynyn» naqtylap otyr.
