Iran MAGATE-men laıyqty deńgeıde yntymaqtaspaı otyr - agenttik basshysy
ASTANA. Naýryzdyń 2-si. QazAqparat - Atom energııasy jónindegi halyqaralyq agenttigi (MAGATE) «Irandaǵy málim etilgen ıadrolyq materıaldyń basqa baǵytqa aýdarylmaǵanyn» ǵana baqylaýda jáne bar materıaldyń tek beıbit maqsatta paıdalanylyp otyrǵanyn rastaı almaıdy.
Bul týraly dúısenbi kúni Venada ashylǵan MAGATE Basqarýshylar keńesiniń sessııasynda agenttiktiń bas hatshysy ıÝkııa Amano málim etti. Onyń aıtýynsha, Iran «agenttikpen laıyqty deńgeıdegi yntymaqtastyqty qamtamasyz etpeı otyr».
«Laıyqty yntymaqtastyqqa basqa da máselelermen qosa, MAGATE Basqarýshylar keńesi men BUU Qaýipsizdik keńesiniń tıisti qararlaryn oryndaýmen baılanysty máseleler, sondaı-aq qosymsha hattamany jáne Irannyń ıadrolyq baǵdarlamasynyń yqtımal áskerı ólshemine qatysty máselelerdi naqtylaý jaıy kiredi», - dep túsindiredi Amano myrza.
MAGATE bas hatshysy Tegrandy agenttikpen aradaǵy kepildikter týraly kelisimdi tolyq oryndaýǵa jáne basqa da mindettemelerin birinshi kezektegi mindetter retinde qarastyrýǵa qadam jasaýǵa shaqyrdy.
