Iran MAGATE-men yntymaqtastyqty jalǵastyrady

ASTANA. KAZINFORM – Iran ıAdrolyq qarýdy taratpaý týraly shart talaptaryn saqtaıdy jáne Atom energııasy jónindegi halyqaralyq agenttikpen (MAGATE) ózara yntymaqtastyqty jalǵastyrýǵa daıyn.

Bul týraly Irannyń Syrtqy ister mınıstri Abbas Arakchı H áleýmettik jelisindegi paraqshasynda jazdy, dep habarlaıdy Trend.

- Bizdiń yntymaqtastyǵymyz qaýipsizdikke baılanysty Irannyń ulttyq qaýipsizdik joǵary keńesi arqyly júzege asyrylady, - dedi ol.

Aıta keteıik, 25 maýsym kúni Iran prezıdenti MAGATE-men yntymaqtastyqty toqtatý týraly zańdy maquldaǵan bolatyn.