Iran Londondaǵy Izraıl elshiligine shabýyl jasaý áreketine qatysy joǵyn málim etti

ASTANA. KAZINFORM – Iran bıiligi Londondy osy oqıǵa tóńireginde qalyptasqan jaǵdaıǵa resmı túrde túsinik berýge shaqyrdy, dep habarlaıdy Kazinform agenttiginiń menshikti tilshisi.

Irannyń Syrtqy ister mınıstri Abbas Arakchı BAQ-ta jarııalanǵan Ulybrıtanııada tutqyndalǵan ırandyqtardyń ótken demalys kúnderi Londondaǵy Izraıl elshiligine shabýyldaý týraly astyrtyn qaskúnemdik áreketterine qatysty degen habardy joqqa shyǵardy.

- Iran mundaı áreketterdiń kez kelgen túrine túbegeıli qarsy. Bizge dıplomatııalyq arnalar arqyly qandaı da bir kiná artý týraly habar jetpegenin málimdeımiz, - dedi Arakchı H áleýmettik jelisinde.

Onyń bul málimdemesi brıtanııalyq The Times basylymynyń aty atalmaǵan derekkózderge silteme jasap, tutqyndalǵan 8 ırandyqtyq beseýi Londonnyń batysyndaǵy Kınsıngtonda Izraıl elshiligine terrorıstik shabýyl jasaýdy josparlady, qalǵan úsh ırandyq ulttyq qaýipsizdik týraly zań talaptaryna sáıkes, Iranǵa jumys istedi degen aıyppen tutqyndalǵany týraly materıalynan soń jarııalandy.

- Iran Ulybrıtanııany tergeý sharalary dáleldi bolýy úshin oǵan kómektesýge, ózara árekettesip jumys isteýge shaqyrdy. Ýaqyt pen ózara árekettesýge degen nıettiń joqtyǵy kúmán týdyrady, - dep jalǵastyrdy Arakchı.

Ol sonymen qatar bolǵan oqıǵanyń artynda Izraıl turýy múmkin dep topshylaǵan da bolýy múmkin.

- Dıplomatııany buzyp, jaǵdaıdy ýshyqtyryp, bóten bireýdi týynyń astynda áreket etýge umtylyp otyrǵan úshinshi taraptyń bolýy yqtımal, - dep málimdedi mınıstr.

Arakchı Irannyń oqıǵanyń shyn máninde qalaı bolǵanyn anyqtaý úshin jaǵdaıǵa aralasýǵa daıyn ekenin, ol úshin Ulybrıtanııa bıligin ustalǵan ırandyqtarǵa tıisti quqyqtyq protsedýraǵa múmkindik berýge shaqyrdy.

Irannyń Syrtqy ister mınıstriniń kómekshisi Alıreza ıÝsefı sársenbi kúni shuǵyl túrde tutqyndaý áreketiniń mán-jaıyn anyqtap, konsýldyq ókilderine ustalǵandarmen baılanysýǵa múmkindik berýdi talap etti. Ol brıtanııalyq saıasatkerlerdiń qujatpen dáleldenbegen, rastalmaǵan málimdemeler jasaýy ádetke aınalyp bara jatqanyn synady.

ıÝsefı mundaı árekettiń eki el arasyndaǵy jaǵdaıdy ýshyqtyra túsetinin eskertti.

Osyǵan deıin Londonda lańkestik áreketti daıyndady degen kúdikke ilingen ırandyqtar qamaýǵa alynǵany týraly jazdyq.