Iran Lıvannan elshisin keri shaqyrýdan bas tartty
ASTANA. KAZINFORM — Tegeran men Beırýt arasyndaǵy dıplomatııalyq daǵdarys Lıvandaǵy soǵys pen eldiń egemendigine qatysty daý-damaıdyń fonynda kúsheıip keledi, dep habarlaıdy Kazinform agenttiginiń menshikti tilshisi.
Iran Syrtqy ister mınıstrliginiń málimetinshe, Lıvandaǵy elshisi Mohammed Reza Shıbanı Beırýtte jumysyn jalǵastyra beredi. Lıvan bıligi ony non grata dep jarııalap, 29 naýryzǵa deıin elden ketýdi talap etken bolatyn, biraq elshi merzim ótip ketkennen keıin de Beırýtte qalyp otyr. Elshilik ádettegi rejımde jumysyn jalǵastyryp otyr.
— Bizdiń elshimiz Beırýttegi qyzmetin jalǵastyra beredi jáne sol jerde qalady, — dedi dúısenbi kúni Iran SІM resmı ókili Esmaıl Bagaı.
Eske salsaq, 24 naýryzda Lıvan SІM Iran elshisin óz eliniń ishki isterine aralasty dep aıyptap, onyń taǵaıyndaýyn keri qaıtarǵan. Oǵan elden 29 naýryzǵa deıin ketý mindettelgen, biraq elshi ýaqyt ótip ketkennen keıin de Beırýtte qalyp otyr.
طلبتُ اليوم من الأمين العام لوزارة الخارجية والمغتربين استدعاء القائم بالأعمال الإيراني في لبنان، لإبلاغه قرار سحب الموافقة على اعتماد السفير الإيراني المعيّن محمد رضا شيباني وإعلانه شخصاً غير مرغوب فيه، مع إلزامه مغادرة الأراضي اللبنانية في مهلة أقصاها 29 آذار 2026.
— Youssef Raggi (@YoussefRaggi) March 24, 2026
🇱🇧
Jeksenbi kúni AFP agenttigi Iran dıplomatııalyq kózine silteme jasap, elshiniń elden shyqpaıtynyn habarlady. Agenttik dereginshe, bul sheshim Lıvan parlament spıkeri Nabıh Berrı men «Hezbolla» tarapynan qoldaý tapqan.
«Hezbolla» Iran elshisin shyǵarý týraly sheshimdi saıası sebeptermen qabyldanǵan dep synap, onyń quqyqtyq negizi joq ekenin jáne syrtqy qysymǵa berilgen qaýipti sıgnal ekenin atap ótti.
Sondaı-aq ótken aptada «Hezbolla» jáne onyń serigi «Amal» partııalarynyń mınıstrleri Lıvan úkimetiniń otyrysyna boıkot jarııalap, Iran elshisin «persona non grata» dep jarııalaý sheshimine qarsylyq bildirdi.
Hezbollah strongly condemned #Lebanon's Foreign Minister of Affairs, Yousseff Rajji's decision to revoke the approval for the newly appointed Iranian ambassador, Mohammad Reza Sheibani, declare him persona non grata, and oblige him to leave Lebanon by March 29, 2026.
— Al Mayadeen English (@MayadeenEnglish) March 24, 2026
In its… pic.twitter.com/3ufhptRdHg
Izraıl bıligi de jaǵdaıǵa pikir bildirdi. Izraıl SІM mınıstri Gıdeon Saar Lıvan úkimetin sheshimin oryndaýǵa qabiletsiz dep synǵa aldy:
— Merzim ótip ketti, al Iran elshisi Beırýtte qalyp otyr, eshteńe bolmaǵandaı. Bul Irannyń el ishindegi yqpalyn kórsetedi, — dedi mınıstr.
Onyń aıtýynsha, Iran men «Hezbolla» qozǵalysynyń rólin shekteýge naqty qadam jasalmaıynsha, Lıvan tolyq egemendigin qalpyna keltire almaıdy.
Last week, the Lebanese Foreign Ministry declared the Iranian ambassador a "persona non grata" and set a deadline for his expulsion from Lebanon. That deadline expired yesterday, March 29th.
— Gideon Sa'ar | גדעון סער (@gidonsaar) March 30, 2026
This morning, the Iranian ambassador is sipping his coffee in Beirut, mocking the host… pic.twitter.com/EPqIfSzue8
Dıplomatııalyq daǵdarys Lıvannyń ońtústigindegi soǵys áreketteriniń kúsheıýimen qatar júrip jatyr. Izraıl áskerleri «Hezbollaǵa» qarsy jergilikti jáne áýe operatsııalaryn júrgizip, shekara boıynda býferlik aımaq qurýǵa tyrysýda. «Hezbolla» óz kezeginde qarsylyq kórsetýge daıyn ekenin málimdep, Izraıl áskeriniń ári qaraı alǵa jyljý saldaryn eskertken.
Halyqaralyq uıymdardyń dereginshe, eskalatsııa bastalǵannan beri 1 mıllıonnan astam adam úılerin tastap ketýge májbúr bolǵan, bul Lıvanǵa gýmanıtarlyq qysymdy kúsheıtip otyr.
Sondaı-aq, Lıvanda parlamenttik saılaý Izraılmen qaqtyǵysqa baılanysty eki jylǵa shegerildi.