Iran Qytaıǵa ushatyn jolaýshylar reısterin toqtatty

TEGERAN. IRNA-QazAqparat – Irannyń Azamattyq avıatsııa uıymynyń ókili Reza Djafarzade koronavırýstyń taralýyna jol bermeý úshin Qytaıǵa jáne keri qaraı ushatyn barlyq jolaýshylar reısiniń toqtatylǵany týraly málimdedi, dep habarlaıdy QazAqparat IRNA agenttigine silteme jasap.

«Qytaıǵa ushatyn jolaýshylar reısteri toqtatyldy, biraq júk reısteri koronavırýstyń taralýyn boldyrmaý úshin Densaýlyq saqtaý mınıstrliginiń baqylaýynda bolady», - dedi ol.

Iran men Qytaı arasyndaǵy tikeleı reıster 31 qańtarda koronavırýstyń taralýyna baılanysty ýaqytsha toqtatyldy.

Eske sala keteıik, Irannyń Densaýlyq saqtaý mınıstrligi ırandyq Kýmda koronavırýstan eki adam ajal qushqanyn habarlaǵan bolatyn. Beısenbi kúni eldiń Densaýlyq saqtaý mınıstrligi Iranda koronavırýs juqtyrǵan jańa úsh jaǵdaı týraly habarlady. Osylaısha aýrý juqtyrǵandar sany bes adamǵa jetti.

Sondaı-aq Kým qalasynyń bıligi eki adamnyń qaza tabýyna baılanysty sol shahardaǵy mektepter men ýnıversıtetterdi jabý týraly sheshim qabyldady.