Iran kórshiles elderdi amerıkalyq bazalarǵa soqqy jasaý yqtımaldylyǵy týraly eskertti
ASTANA. KAZINFORM – Iran tóńiregindegi jaǵdaı jáne oǵan AQSh-tyń yqtımal aralasýy aımaqtaǵy shıelenistiń artýymen qatar júrip otyr, dep habarlaıdy Kazinform menshikti tilshisi.
Tegeran AQSh áskerleri ornalastyrylǵan kórshi elderge Vashıngtonnyń Irandaǵy narazylyq aktsııalaryna aralasýy jaǵdaıynda AQSh bazalaryna jaýap shabýyldaryn jasaýǵa daıyn ekenin eskertti, dep habarlady Reuters agenttigi ırandyq joǵary laýazymdy sheneýnikke silteme jasap.
Bul eskertýler amerıkalyq áskerı kontıngentterdi ornalastyryp jatqan aımaqtyq memleketterge jasaldy. Agenttiktiń úsh dıplomatqa silteme jasaı otyryp habarlaýynsha, osyǵan baılanysty qyzmetkerlerdiń bir bóligine Taıaý Shyǵystaǵy eń iri amerıkalyq áýe bazasy «Ál-Ýdeıdten» sársenbi kúni keshke deıin ketýge keńes berildi.
Dıplomattardyń biri bolǵan jaǵdaıdy «ornalastyrý rejıminiń ózgerýi» dep sıpattap, bul tolyq evakýatsııalaý týraly buıryq emes ekenin atap ótti. 2025 jyly Irannyń bazaǵa zymyran soqqysy aldynda baıqalǵan áskerlerdiń aýqymdy túrde shyǵarylýynyń belgileri tirkelgen joq.
Qatardaǵy «Ál-Ýdeıd» áýe bazasy – AQSh-tyń aımaqtaǵy eń iri áskerı bazasy, ol shamamen 10 myń sarbazǵa laıyqtalǵan.
Bir kún buryn AQSh óz azamattaryn Irannan ketýge shaqyrǵanyn jazdyq.
Buǵan deıin Tramp Iranǵa qatysty eń qatań nusqalardy qarastyryp jatqanyn málimdedi.
Iran narazylyq kezinde shamamen 2000 adam qaza tapqanyn moıyndady.
Doha Vashıngton men Tegeran arasyndaǵy shıelenistiń saldary kúrdeli bolatynyn eskertti.
Iranda jaǵdaı kúnnen kúnge kúrdelenip barady. Elde jappaı narazylyq jalǵasyp, bılik olardy qatań basyp-janshyp jatyr. Osy tusta AQSh kóshege shyqqan halyqty qoldaýy múmkin degen kúdik te artyp otyr. Prezıdent Donald Tramp osy baǵytta málimdeme jasady. Oqıǵanyń qalaı órbıtini jáne yqtımal stsenarııler týraly tolyq taldaý Kazinform halyqaralyq sholýshysynyń materıalynan oqı alasyz.
