Iran Qytaıdyń óńirdegi beıbitshilik josparyn qoldady
ASTANA. KAZINFORM – Irannyń syrtqy ister mınıstri Abbas Arakchı Qytaıǵa jasaǵan saparynyń qorytyndysyn shyǵaryp, qytaılyq áriptesi Van Imen ótken kelissózderdi «konstrýktıvti» dep baǵalady. Bul týraly IRNA agenttigi habarlady.
Mınıstr X áleýmettik jelisindegi paraqshasynda eki eldiń qazirgi geosaıası shıelenis jaǵdaıyndaǵy ustanymdary strategııalyq turǵyda jaqyn ekenin atap ótti.
Kezdesý barysynda taraptar Tegerannyń ulttyq egemendigi men qadir-qasıetin qorǵaý quqyǵy myzǵymas qaǵıda ekenin rastaǵan.
Sondaı-aq kelissózderdiń negizgi taqyryptarynyń biri Qytaı usynǵan beıbitshilik bastamalary boldy.
– Iran tarapy óńirdegi beıbitshilik pen turaqtylyqty saqtaý jáne nyǵaıtýǵa baǵyttalǵan Qytaıdyń tórt tarmaqtan turatyn usynysyna rızashylyǵyn bildiredi, – dedi Abbas Arakchı.
Aıta keteıik, Iran AQSh-qa jańa kelisim jobasyn Pákistan arqyly joldady.
