Iran Qytaı kemeleriniń Ormýz buǵazy arqyly ótý tártibin jeńildetti
ASTANA. KAZINFORM — Iran birqatar qytaılyq kemege eldegi qoldanystaǵy retteý hattamasyna sáıkes Ormýz buǵazy arqyly ótýge ruqsat berdi. Bul týraly Kazinform agenttiginiń Beıjińdegi menshikti tilshisi habarlady.
Habarlamaǵa sáıkes, qytaılyq kemelerge ótýge ruqsat sársenbi keshinen bastap kúshine engen.
Reuters agenttiginiń Fars basylymyna silteme jasap habarlaýynsha, bul sheshim Qytaıdyń syrtqy ister mınıstri men Qytaıdyń Irandaǵy elshisiniń ótinishterine jaýap retinde qabyldanǵan. Tegeran eki el arasyndaǵy strategııalyq seriktestik aıasynda birqatar qytaılyq kemelerdiń ótýine járdemdesýge kelisken.
Ázirge bul sheshimniń aımaqtaǵy jaǵdaıǵa qanshalyqty áser etetini naqty belgisiz. Buǵan deıin Tegeran beıtarap kemeler Iran qarýly kúshterimen áreketterin úılestirgen jaǵdaıda buǵaz arqyly óte alatynyn meńzegen bolatyn.
Buǵan deıin Taıaý Shyǵystaǵy jaǵdaı soǵys pen beıbitshilik arasyndaǵy ótpeli kezeńde turǵany habarlanǵan edi.
