Iran kilem saýdasynan jylyna 17 mlrd. AQSh dollary kóleminde tabys tappaq
ASTANA. 7 mamyr. QazAqparat - Onjyldyqtyń sońyna qaraı Iran eli kilemderiniń saýdasynan jylyna 17 mlrd. AQSh dollary kóleminde tabys jasaıdy degen boljamdar jasalýda.
Bul jaıynda Iran. rý habarlap otyr.
Kilemderdi búginde aýqatty amerıkandyqtar, japondyqtar jáne reseılikter belsendi túrde satyp alyp jatyr. Eni - 2,5, al uzyndyǵy - 3,5 metr kilemdi ırandyqtar qoldan bir jylǵa jýyq ýaqyt toqıdy eken jáne bul ónimniń árqaısysynda jeke pasporttary bar.
Iran kóptegen shet elderdegi áriptesterimen qıyn qarym-qatynasyna qaramastan, benzın eksportyn eki esege arttyryp otyr. Irandyq janar-jaǵarmaıdy Irak, Aýǵanstan jáne Arab Ámirlikteri satyp alýda. Sonymen qatar, Irannyń eksportynda parsy kilemderi de sońǵy orynda qalyp otyrǵan joq. Boljam boıynsha, onjyldyqtyń sońyna qaraı osy memleket bul ónimniń saýdasynan jylyna 17 mlrd. AQSh dollary kóleminde tabys jasamaq.
