Iran kelisimine Lıvan kirmeıdi

ASTANA.KAZINFORM — AQSh vıtse-prezıdenti Djeı Dı Vens Irannyń keri málimdemelerine qaramastan, AQSh Lıvannyń atysty toqtatý kelisimine qosylatynyna eshqashan ýáde bermegenin málimdedi, dep habarlaıdy Kazinform agenttiginiń Vashıngtondaǵy tilshisi.

Vens Iran parlamentiniń spıkeri Mohammad Bager Galıbaf kelisimniń úsh tarmaǵy boıynsha kelispegenimen, basqa tarmaqtar boıynsha kózqarasy bir bolýy tıis ekenin aıtty.

Sársenbi kúni Iran parlamentiniń spıkeri AQSh-tyń atysty toqtatý kelisiminiń úsh tarmaǵyn buzyp otyrǵanyn málimdedi, oǵan Lıvanda jalǵasyp jatqan shabýyldar, Irannyń áýe keńistigine dron kirýi jáne «Irannyń ýrandy baıytý quqyǵynan bas tartýy» sebep boldy.

— Atysty toqtatý árqashan qıyndyqqa toly. Jalpy soǵysty toqtatýdyń tabıǵaty osyndaı. Eshqandaı atysty toqtatý usaq quqyq buzýshylyqtarsyz tolyq bolmaıdy. Biz bombalaýdy toqtatqymyz keletinin anyq bildirdik. Biz odaqtastarymyzdyń bombalaýdy toqtatýyn qalaımyz. Biz isterdiń durys baǵytta júrip jatqanynyń belgisin kórip otyrmyz, biraq bul biraz ýaqytty alady, — dedi Djeı Dı Vens.

Lıvanǵa qatysty sózinde Vens muny taraptar arasyndaǵy «túsinbeýshilik» dep sanaıtynyn qaıtalady.

— AQSh «eshqashan mundaı ýáde bergen emes. Irandyqtar atysty toqtatý týraly kelisim Lıvanǵa da qatysty dep oılady, biraq olaı bolǵan joq. Biz eshqashan bulaı ýáde bermedik. Biz eshqashan bulaı bolatynyn aıtqan emespiz, — dedi ol.

AQSh vıtse-prezıdenti atysty toqtatý Iranǵa qarsy jáne Amerıkanyń odaqtastary — Izraıl men Parsy shyǵanaǵy memleketteriniń múddesine saı keletinin atap ótti.

Buǵan deıin AQSh-Iran kelissózderiniń birinshi kezeńi 11 sáýirde ótetini habarlanǵan bolatyn.