Iran qajylyq maýsymyna tolyq daıyn ekenin málimdedi
ASTANA. KAZINFORM – Iranda bıylǵy qajylyq maýsymyn uıymdastyrýǵa barlyq qajetti jaǵdaı jasalǵan, dep habarlaıdy IRNA.
Bul týraly Qajylyq jáne zııarat isteri uıymynyń ókili Naser Hoveızavı Mádına áýejaıyna alǵashqy qajylar toby kelgennen keıin málimdedi.
Onyń aıtýynsha, Saýd Arabııasyna qajylardyń kirýin qamtamasyz etý úshin uzaq kelissózder júrgizilgen.
– Qajylyqty laıyqty ótkizý úshin barlyq jaǵdaı tolyq daıyn. Negizgi toptar kele bastaǵan sátten qyzmet kórsetýge kirisýge ázirmiz, – dedi Naser Hoveızavı.
Aıta keteıik, alǵashqy top Iran Air áýe kompanııasynyń reısimen Tegerandaǵy Imam Homeını atyndaǵy halyqaralyq áýejaıdan ushqan.
Buǵan deıin Saýd Arabııasy qajylyq qarsańynda Mekkege kirýge qatysty jańa talaptardy jarııalady.
